CEBU CITY-Naglaum ug nanghinaut si Cebu City Mayor Edgardo Labella nga ma-downgrade ang dakbayan sa Sugbo gikan sa enhanced community quarantine (ECQ).
Matud ni Labella nga gibuhat na sa kagamhanan sa dakbayan ang tanan alang sa pagpakgang ug pagkontrolar sa transmission sa COVID-19.
Gihimug-atan sa mayor nga nagpabiling taas ang recovery rate sa dakbayan sa Sugbo ug kini unta maoy hatagan og konsiderasyon sa Inter-agency Task Force (IATF).
Apan gitugyan na lang sa mayor ang mismong rekomendasyon ngadto sa IATF sa national kung angayan bang ipakanaog o palugwayan pa ang ECQ sa dakbayan karong Hulyo 16.
Gikatakdang ipahibalo ni Presidente Rodrigo Duterte ug sa National IATF ang bag-ong quarantine classifications sa managlahing bahin sa nasud karong adlawa. | GN
