CEBU – Patay ang usa ka 13 anyos nga Grade 8 student human nga naghikog sulod sa ilahang panimalay sa Barangay Gen. Climaco, dakbayan sa Toledo.
Basi sa report gikan ni Police Lt. Col. Junnel Caadlawon, hepe sa Toledo Police Station, giingong nakit-an na lang sa manghud niini nga lalaki nga nagbitay ang biktima ug wala na’y kinabuhi.
Sa inisyal nga imbestigasyon, giingong ‘mental depression’ gumikan sa nasinati nga kalisod sa modular learning ang hinungdan sa paghikog sa biktima.
Nasayran nga daan na usab nga mibahad ang maong menor de edad ngadto sa iyahang inahan nga mukutlo sa iyahang kaugalingong kinabuhi gumikan kay hilabihan na kini nga gikapoy sa mga modules.
Ang maong 13 anyos ang ikatulo na nga tinun-an sa Rehiyon 7 nga naghikog gumikan sa giingong kalisod sa modular learning.
