CEBU CITY — Gihimug-atan sa KONKA o Kababayen-an sa Upon Nagkahiusa Alang sa Kalambuan nga makatabang ang ilang inisyatiba aron ipasundayag ang ilang produkto sa publiko.
Gipakita sa publiko kagahapon ang ilang mga produkto sama lang sa mga lami-ang pagkaon atol sa ilang exhibit sa Barangay Basak gymnasium.
Matud sa pangulo sa organisasyon nga si Brgy. Ibo, Lapu-Lapu Captain Mary Jane Cahilog nga dakong tabang kanila ang inisyatiba alang sa pagpaninguha nga mapalambo pa ang panginabuhi-an ilabi na ning panahon sa pandemya.
Nasayran nga gipangunahan ni kanhi Lapu-Lapu City Mayor ug karon Representative Paz Radaza diin gitabangan ang mga kababayen-an sa 30 ka brgy sa dakbayan sa Lapu-Lapu alang sa training sa livelihood program.
Adunay 14,410 ka mga miyembro ang asosasyon diin namugna kini niadto pang buwan sa Hulyo tuig 2011.
