CEBU CITY — Mihatag og pagtimbaya si Cebu City Mayor Edgardo Labella sa pagkatudlo ni MGen. Debold Sinas isip bag-ong hepe sa Philippine National Police.
Mihatag og pagtimbaya si Cebu City Mayor Edgardo Labella sa pagkatudlo ni MGen. Debold Sinas isip bag-ong hepe sa Philippine National Police.
Nahimong hepe sa Police Regional Office (PRO-7) si Gen. Sinas gikan sa buwan sa Hulyo 2018 hangtud na sa Oktubre 2019.
Apan nag-atubang og mga kontrobersiya ang termino niini sa Central Visayas kung diin gisusi sa Commission on Human Rights ang pagsaka sa mga namatay sa anti-drug operation.
Apil na usab niini ang nahitabo nga pagpatay sa Negros Oriental sa nakalabay nga tuig pagkahuman sa kamatayun sa upat ka pulis nga gituohan gipatay sa mga rebelde.
Taliwa niini, nagpasalamat si Mayor Labella sa nahimong serbisyo ni Gen. Sinas sa mga Sugboanun ug sa Central Visayas.
Samtang gikalipay usab ni Lapu-Lapu City Mayor Junard “Ahong” Chan ang nahimong kalambuan ni Sinas.
Sa social media post niini, nagkanayon si Chan nga dako ang ilang pagpasalamat ngadto sa umaabot nga hepe kinsang nag-atiman sa kaluwasan sa mga Oponganon.
Nanghinaut kini nga mobisita ang bag-ong PNP chief sa Lapu-Lapu City sa umaabot nga panahon. (report by Bombo Jun Salde/ekp/gn)
