CEBU – Ibalik karong adlaw’ng Lunes Hunyo 7 ang one stop shop alang sa mga drivers ug operators nga mo-apply alang sa ilang unit sa traditional jeepneys nga makapamasada sa dakbayan sa Sugbo.
Matud ni Councilor James Cuenco ang pangu sa Jeepney Task Force nga ablihann ang one-stop-shop gikan sa Lunes ngadto sa Biyernes sa may City Hall Ground alas 8:00 sa buntag ngadto sa alas 5:00 sa hapon aron nga dili na mahasol pa ang mga drivers ug operators nga mag asikaso sa ilang mga papeles.
Posible matod pa nga daghan ang mag-asikaso samtang dako usab ang posibilidad nga adunay mga operators nga dili na lang modayon ug padagan sa ilang mga dyip sanglit kutob lang man usab ang pagtugot niini sa Disyembre 31 ning kasamtangang tuig.
Gani daghan na matod pa ni Cuenco ang naka desider nga asikasuhon ang pag shift sa traditional PUJ ngadto na sa moderno nga dyip.
Panawagan ni Cuenco sa mga drivers ug operators ilabi na ang nagplano nga makapamasada ug balik, nga dili palabyon ang kahigayunan nga ablihan ug balik ang one-stop-shop alang sa paghan-ay sa mga requirements ilabi na ning panahon nga anaa pa ang hulga sa coronavirus.
