CEBU – Suspendido ang permit sa bar nga makaserve ug ilimnong makahubog human kini gironda sa sa kapulisan subay sa taho nga nakalapas sa curfew ug health protocols batok sa COVID-19.
Nasayran nga i-suspenso ang permit sa maong bar samtang nagpadayon pa ang imbestigasyon.
Sa pamahayag nga gipagawas ni Emergency Operations Center Head Cebu City Councilor Joel Garganera, gibutyag niini nga moluwat ug ‘show-cause order’ ang buhatan sa Cebu City Business Permit and Licensing Office (BPLO) alang sa pagkuha sa habig sa management.
Kahinumduman nga gironda ang maong bar nga nagrenta sa usa ka building sa Archbishop Reyes Avenue human sa report nga padayon gihapon kini nga nidawat ug customers bisan ug curfew na samtang nalapas usab niini ang ubang health protocols batok sa COVID-19.
