CEBU – Nangunay sa pagsilbi o paghatag of serbisyo sa ilahang mga bisita samtang nagsul-ob og wedding gowns ang tulo ka babaye sa usa ka salo-salo sa kasal, adlawng Sabado sa Lawaan, Eastern Samar.
Bisan paman nga giusa ra ang reception o salu-salo sa ilahang kasal, mas gipili gihapon sa tulo ka bride nga magluto ug mag-alagad sa ilang mga bisita.
Nasayran nga ang tulo ka mga babaye parehong nagtrabaho sa susamang catering service sa lungsod, ug adunay mga kauban usab sa maong catering.
Human magkauban sulod sa walo, 16 ug 20 ka tuig, ang tulo ka magtiayon nagpakasal sa samang adlaw human gidasig sa pangulo sa catering service.
Ila kining gitakda karong buwan sa Pebrero, nga gitawag og love month.
Gipaambit ni Aboy Abayan, pag-umangkon sa tag-iya sa catering service, ang pipila ka mga hulagway sa maong okasyon, gikan sa simbahan hangtod sa wedding reception.
