CEBU – Laing pagpanulis na usab ang nahitabo kung diin biktima ang usa ka taxi driver sa Metro Cebu niadtong Huwebes Santo, Abril 14.
Gitabang sa mga off-duty first responders gikan sa dakbayan sa Sugbo ang taxi driver nga nagkadugo sa highway sa Nivel Hills, Barangay Lahug human giatake ug gikawat sa wala pa mailhing mga mamumuno ang iyang sakyanan pasado alas 3 sa hapon sa Huwebes.
Base sa inisyal nga taho gikan sa Emergency Medical Services (EMS) sa dakbayan, ang biktima, kansang pagkatawo padayon pa nga gi-verify hangtod ning pagsuwat, nakaangkon og daghang samad dinunggaban sa iyang lawas – sa iyang dughan, abaga, bukton, ug sternum.
Kini na maoy ikaduhang tulis nga gikalambigit sa mga taxi driver nga na-report sa Metro Cebu sulod sa duha ka adlaw.
