CEBU – Gi-angkon ni Atty Jonathan Capanas, dean sa University of San Jose-Recoletos College of Law, nga lubog pa kaayo ang ilahang panglantaw kabahin sa programa sa ekonomiya sa nasod ni presumptive president Ferdinand “Bongbong” Marcos Jr. gumikan bag-o pa kaayo kini.
Gawas niini, nakuratan usab kini sa plano sa naasoyng presidente nga himuong P20 ang matag kilo sa bugas gumikan bisan unsaon paghunahuna niin lisud kini kaayo nga ipatuman ilabi na nga dili niini mabasa kung unsa nga formula ang gamiton sa mosunod nga administrasyon.
Gitino ni Capanas nga lisud kaayo kini nga ipatuman sa kung sa local production ang hisgutan apan kung sa abroad posible tungod mubo lang ang ilahang production cost itandi dri sa Pilipinas nga taas na kaayo ang production cost sa local nga bugas.
Dugang niini nga kung ipugos ang P20 matag kilo sa bugas, mag-antos ang mga local farmers gumikan wala na kini mamahimong income gawas nalang kung isubsidize sila sa gobyerno.
Kung ugaling matinuod kini, pipila ka milyon sa mga mag-uuma nga nagproduce og bugas humay ang labi ka maapektohan ug dako usab nga pangutana kung unsa ang paagi nga gamiton aron hapsay kini nga mapatuman.
