Comelec mipahinumdom sa mga kandidato sa nakalabay nga eleksyon sa pag-file sa ilahang SOCE

CEBU – Mipahinumdom si Comelec-Cebu Province Election Supervisor Atty. Jerome Brillantes sa tanang mga kandidato, pildi man o daug, nga mag-file na sa ilahang Statement of Contributions and Expenditures (SOCE) sa nakalabay nga eleksyon.

Gipahibalo ni Atty. Brillantes nga ang last day sa filing kay karun nang umaabot Hunyo 8.

Matud pa, nga pinaagi sa SOCE masuta ang gasto sa usa ka kandidato sa nakalabay nga eleksyon.

Mipahimangno usab kini sa mga mapakyas sa pag-file sa ilahang SOCE kay mag-atubang ug penalty, ingon man ‘perpetual disqualification to hold any public office’ pinaagi sa desisyon sa Korte Suprema.

Nanghinaut si Atty Brillantes nga seryoso kining sundon sa mga kandidato.