CEBU – Nagpahigayon og thanksgiving mass ug apreciation dinner ang Roman Catholic Archdiocese of Cebu kagahapong adlawa kini aron paghatag pasidungog sa tanang local government unit nga nitabang aron magmalampuson ang pagsaulog sa 500 years of Christianity (YOC).
Gumikan kay naka-onleave si Cebu City Mayo Mike Rama, si Cebu City Councilor Joel Garganera ug Cebu City Vice-Mayor Dondon Hontiveros maoy nirepresentar ug nidawat sa pasidungog alang sa dakbayan sa Sugbo.
Gibutyag ni Garganera, nga atol sa kalihokan gi-emphasize sa Archdiocese nga bisan paman sa katalgaman , bagyo ug pandemya, walay makapugong kung tanan magkahiusa aron magmalampuson ang selebrasyon sa 500 YOC.
Makita usab sa maong kalihokan ang pagtambong nila ni Lapu-Lapu City Mayor Junard Ahong, Congresswoman Cindi Chan , Fr. Mhar Balili ug Msgr Ting Angcajas.
