Cordova Mayor-elect Didoy Suan nagpasalamat sa tanang misuporta kaniya

CEBU – Nagpasalamat si Cordova Mayor-elect Cesar ‘Didoy’ Suan sa tanang mga Cordovanhon nga misuporta kaniya sa nakalabay nga eleksyon.

Gisiguro ni Suan nga sukli-an kini ug maayong serbisyo alang sa tanan susama sa iyahang saad atol na sa kampanya.

Sa mga wala mo botar kaniya, mihangyo kini nga hatagan siya ug tsansa nga mupakita sa iyahang serbisyo ug nanghinaut nga mag-uban silang tanan alang sa kabag-ohan sa ilahang lungsod.

Gidugang pa ni Suan nga ipadayon niini ang mga maayong binuhatan o serbisyo sa mga Sitoy, ingon man nga pun-an pa kung aduna man gani kuwang, alang sa kaayohan sa mga lungsoranon.