CEBU – Gidepensahan ni Cebu Governor Gwendolyn Garcia si kanhi Cebu province police director Police Col. Engelbert Soriano, pipila ka adlaw human kini na-relieve sa iyang gipasumbingay nga resulta sa ‘pagpamulitika’.
Atol sa press conference niadtong Miyerkules, Hunyo 15, gisaway ni Garcia ang officer-in-charge sa Philippine National Police (PNP) nga si Lt. Gen. Vicente Danao Jr., tungod sa pagpasangil kang Soriano nga ‘sipsip sa Kapitolyo’.
Gikutlo niini ang komento ni Danao nga gipublikar sa national media, wala magduha-duha ang gobernadora sa tubag sa pamahayag ni Danao batok kang Soriano.
Kahinumdoman, nga dayag nga nipadayag sa iyang suporta si Soriano sa kontrobersyal nga kamandoan sa gobernador nga naglambigit sa mga face mask.
Nahimong sentro sa nagpadayong panagsangka tali ni Garcia ug pipila ka mga ahensya sa nasudnong kagamhanan, lakip na ang PNP, ang maong lakang, nga nagtangtang sa mandatory nga pagsul-ob og face mask sa mga hawan nga lugar.
