CEBU – Dili mahimong ‘judgemental’ ug angayang tahuron ang ‘intellectual’ property sa usa ka salidad.
Kini ang nahimong pamahayag ni Cebu City Mayor Michael Rama may kalabotan sa kontrobersyal nga ‘Maid in Malacañang’ trailer diin nakita ang daw susamang si kanhi Presidente Cory Aquino kauban ang mga madre sa Carmelite Monastery nga nagduwa ug mahjong.
Matud ni Mayor Rama nga kung dili kini tinuod hayan dili angayan nga mahimong apektado ug wala’y angayan nga ikasuko.
Gidugang pa sa opisyal nga aduna may movie board nga mulantaw sa usa ka salida una kini ipagawas hayan kini nagtuo nga walay nakita nga ‘offensive’ hinungdan nga gipakita kini sa publiko.
Nagkanayon si Rama nga gikinahanglan nga lantawon ang kinatibuk-ang hulagway sa maong salida ug dili mu-ambak sa usa ka konklusyon.
