-- ADVERTISEMENT --
CEBU – Subling giawhag ni Mayor Mike Rama ang mga kawani ug opisyal sa City Hall nga dili molurang sa pagtabang nga makab-at ang gidamgo nga mahisusama sa Singapore ang dakbayan.
Hinungdan nga subli niya nga gipahinumdom ang hingpit nga pagpatuman sa tres metros nga easement sa mga kasapaan, o ang pagpahawa sa mga tawo ug pagguba sa mga estruktura sulod sa tres metros gikan sa tampi sa kasapaan.
Nagkanayon si Mayor Rama, nga mas maayo pa nga mapriso siya sa iyang paningkamot nga maluwas ang mga kabus sa kakuyaw kaysa mapriso tungod kay nangawat.
Giawhag niya ang tanang mga konsehal, lakip ang nahibilin nga oposisyon, nga moabag sa kagamhanan sa pagpatuman sa easement.
