CEBU – Namatay ang usa ka stelman, kinsa nagtrabaho mga 70 metros ibabaw sa kilid sa usa sa mga poste sa Cebu-Cordova bridge, kini human matumba ang tabla nga iyang gitumban nahulpa, hinungdan nga siya nitugpa sa tiilan sa konkretong tulay.
Giila ni Police Major Michael Gingoyon, hepe sa Cordova Police Station, ang biktima nga si Jonas Batistis, hingkod ang pangidaron, residente sa Barangay T. Padilla sa dakbayan sa Sugbo.
Kung diin ang aksidente sa Cebu-Cordova Bridge o Cebu-Cordova Link Expressway sa Barangay Pilipog, lungsod sa Cordva nahitabo niadtong Sabado sa buntag (Agosto 27) pasado alas 8 sa buntag.
Samtang sa habig ni Police Corporal Gerson Futalan, ang assigned investigator sa Cordova Police Station, niingon nga nakadawat sila og tawag mga alas 8 sa buntag gikan sa Orville Valles, Health and Safety Security supervisor sa Cebu Link Joint Venture (CLJV) company.
Kung diin si Orville nitaho sa kapolisan sa ‘aksidente’ nga naglambigit sa usa ka trabahante sa P5 sa CCLEX.
