CEBU – Nanawagan ang Cebu City Council sa ilang Committee on Health, Hospital Services, and Sanitation nga hatagan og waiting area ang mga tawo nga mouban sa mga pasyente sa Vicente Sotto Memorial Medical Center (VSMMC).
Nipalabang sa gisugyot nga resolusyon si Konsehal Jose Lorenzo Abellanosa kinsa nagkanayon nga adunay “compelling need” nga mahatagan ang kauban nga mga indibidwal sa mga pasyente sa VSMMC og waiting area diin sila makahimo nga magpabilin samtang nagpaayo ang mga pasyente sa ospital.
Dugang pa ni Abellanosa nga mas maayo ang pagtukod ug waiting facility o ang paggahin ug waiting area sa ospital o bisan sa laing edipisyo nga kapuy-an sa maong mga indibiduwal samtang nagpaabot ug mahimong magsilbing modelo sa uban pang publikong ospital nga matukod usab.
Sa laing bahin, ang Department of Social Welfare and Services (DSWS)-Cebu City, sa sayo pa, niingon nga ang puy-anan kilid sa Normal Oasis for Adaptation and a Home (NOAH) complex sa siyudad, nga gituyo alang sa mga street dwellers nga magpalabay sa kagabhion, mahimo usab temporaryong i-accommodate ang mga pamilya o guardians niadtong mga pasyente sa VSMMC nga dili maka-abang og lugar dinhi sa dakbayan.
