CEBU – Mokabat sa 332 ka mga nangitag trabaho ang na-hire diha-diha dayon atol sa unang “Trabaho, Turismo, Asenso” Philippine Tourism Jobs Fair nga gipahigayon niadtong Sept. 22-23, 2022.
Matud pa sa Department of Labor and Employment in Central Visayas (DOLE-7) nga ang mga senior high school graduates apil usab sa mga na-hired on the spot, nga nakatrabaho isip bag-ong dealers, stock clerks, cashier, customer representatives, ug service crew.
Gibutyag ni Usec. Elaine Mae Bathan ang Undersecretary for Legal and Special Concerns/Chief-of-Staff, sa Department of Tourism nga ang “positive turnout” sa job fair nagpakita nga ang industriya sa turismo sa rehiyon “nabanhaw” ug karon nag-abiabi og balik sa mga aplikante aron makadugang sa gikinahanglang trabahante.
Dugang pa, nga kini ang pagpaningkamot sa Department of Tourism (DOT), sa paghatag ug trabaho sa katawhan, ilabi na ang Sugbu niagi og mga pasulay sa panahon sa pandamic og bagyong odette, hinungdan nga daghang nawad-an og panginabuhian.
Hinungdan nga panahon na karun nga ablihan ang ekonomiya sa pilipinas pinaagi sa maong ahensiya, nga maghatag og trabahu sa katawhan alang sa ilang inadlaw-adlaw nga panginahanglanon ug sa ilang pamilya.
