CEBU – Gibisita sa kadagkuan sa Cebu City Police Office ang mga nagkadaiyang sam-ang sa dakbayan sa Sugbo kaganihang buntag.
Gipahibalo ni CCPO Director Police Colonel Ireneo Dalogdog nga adunay kapin kun kulang 400 ka mga police personnel ang gipang-deploy kauban ang mga force multipliers sugod karung adlawa.
Matud pa, naka-full alert status na sugod karung adlawa ang kapulisan kung diin gikanselar ang mga day off o leave sa tanang nilang personnel arun nga mutabang sa kahapsay ug kalinaw sa Kalag-Kalag 2022.
Giingong ilahang gilauman ang pag-doble sa gidaghanon sa mga tawo niadtong wala pa’y COVID-19 pandemic, hinungdan nga importante ang ilahang pagbantay karun.
Subay niini, giawhag ni Col. Dalogdog ang katawhan nga musunod sa mga “DO’s and DON’Ts” arun nga dili mag-problema, ingon man, tambag sa opisyal nga dili magsul-ob ug mga butang nga mahalon arun nga dili mabiktima sa mga kawatan o snatcher.
