Seaman ug kauban nga si Bob Marley sikop atol sa buybust operation sa mga sakop sa DEU sa Guadalupe Police Station

CEBU – Nagtingkagol na karon sa mabugnawng carsel sa presinto 9 sa Cebu City Police Office (CCPO) kining usa ka seaman nga manakayay na unta sunod buwan apan ni sideline pagpaninda ug shabu ingon man ang kakunsabo niini nga si “Bob Marley”.

Ang maong seaman naila nga si Hexalon Villaruel 26 anyos, ulitaw, seaman by profession ug taga Brgy.Polpogan, Lungsod sa Consolacion.

Si Villaruel maoy subject sa maong operasyon apan atol sa transaction nasikop ug apil ang kakunsabo niini nga si Bob Marley Iñigo 22 anyos, ulitaw, walay trabaho nga taga Brgy. Labangon Cebu City.

Nakuha gikan sa maong mga drug suspects ang 6 ka small, 2 Ka medium size sa gituohang shabu ug nabawi usab ang buybust money nga P200.00.