-- ADVERTISEMENT --
CEBU – Hingpit nang napasakaan ug kasong alarm and scandal nga reklamo ni PMAJ Nolan Tagsip ang mga tawong nalambigit sa kaguliyang nga nahitabo sa Maxilom Avenue sa Barangay Kamputhaw sa dakbayan sa Sugbo niadtong Sabado, Disyembre 3, 2022.
Kini ang gibutyag ni Police Major Nolan Tagsip ang hepe sa Abellana Police Station, nga lima ka mga tawo ang ilang gipasakaan og kaso ingun man ang tulo nga padayun pa nilang giila, sa nakalabay nga Disyembre 9, 2022.
Una niini, walay kaso nga gipasaka ang duha ka habig, apan si Konsehal Philip Zafra, gusto nga pasakaan og kaso ang duha ka habig,arun sa ingun masiguro ang kalinaw sa Sugbu, ug mahimo kining pagtulun-an sa katawhan nga dili dapat magpatakag mugna ug kagubut.
