CEBU-Nagpasalamat si Cebu City Mayor Michael Rama sa tanang mga naghago arun nga ma-preparahan ang kasaulogan sa Sinulog Festival 2023.
Matud pa, gikan sa mga front-line employees ug mga city officials, ingon man sa mga private sector, dako kini nga hagit nga ilahang gi-atubang.
Wala usab kalimti sa mayor ang kapulisan diin giingong midawat sa dakong hagit sa pagbantay sa kahapsay ug kalinaw sa dakbayan, bisan pa man sa nahitabong gamay nga kakuli-an human nga wala niini tugoti ang pagpahigayon ug signal jamming nga una nang gi-request ni PRO 7 Regional Director Police Brigadier General Jerry Bearis.
Gitino niini nga mahinayon karung adlawa ang One Cebu Island Sinulog 2023 sa South Road Properties (SRP), hinungdan mihangyo kini sa mga Sugbuanon nga hatagan ug tsansa ang maong kalihokan sa ngalan na lang sa kasaulogan sa kapistahan sa Balaang Bata, Señor Santo Niño.
