Nagpasalamat si Cebu City Mayor Michael Rama ngadto ni Cebu Provincial Governor Gwendolyn Garcia human nga ang Kapitolyo na ang musulbad sa isyu sa 93-1 landswap deal.
Matud ni Mayor Rama nga mas maayo nga mismo ang gobernadora na ang muhatag ug solusyon sa 20 katuig na nga isyu tali sa probinsiya ug syudad sa Sugbo.
Sigon pa, iyahang gikalipay nga si Governor Garcia na ang direkta nga mo ‘negotiate’ sa mga residente nga nagpuyo sa maong luna arun nga mas makatutok kini sa iyahang tinguha nga Singapore-like Cebu City.
Apan gisiguro sa mayor nga dili kini mawala sa maong hisgutanan gumikan kay andam gihapon kini nga mutabang kung gikinahanglan.
Nasayran nga andam na ang dakbayan sa Sugbo sa landswap deal tali sa Cebu Provincial government apan wala kini mahinayon sulod sa daghang mga higayon gumikan sa mga kakuli-an nga dili mapugngan.
