CEBU CITY-Dili na gusto si Cebu City Mayor Michael Rama nga hatagan ug pagtagad ang mga nagkadaiyang isyu nga gibato kaniya.
Gibutyag sa mayor nga mas prayoridad niini karun ang pagtuman sa iyahang kagustohan nga Singapore-like Cebu City.
Matud pa, dili niini makontrolar ang mga sitwasyon o ang mga tawo nga nagsaway kaniya hinungdan nga giingong iyaha na lang kini nga i-ampo.
Kini ang tubag ni Mayor Rama human nga nasayran nga mitunga sa birthday party ni MCWD Chairman Atty Joey Daluz, ang tawo nga mipasaka kaniya ug kasong nepotismo nga si Inday Chona Chiongbian Osmeña.
Nasayran nga sagad sa mitambong sa birthday party ni Atty. Daluz niadtong Pebrero 7 kay mga partido ni Mayor Rama.
Kung mahinumdoman nga kanunay ibalik sa mayor nga iyaha nang gipasaylo ang iyahang mga kauban sa partido nga nanglibak kaniya.
