Gibutyag ni Cebu City Councilor James Cuenco, ang chairman sa Committee on Transportation, nga dili kini mutambong sa groundbreaking ceremony sa Cebu Bus Rapid Transit karung adlawa gumikan sa iyahang appointment sa kaulohan.
Bisan pa man niini, mipadayag si Cuenco nga nagpabilin kini nga supak sa maong proyekto gumikan kay iyahang gituohan nga makadugang lang kini sa traffic sa dakbayan sa Sugbo.
Matud pa, nagduda gayud kini nga makasulbad kini sa problema sa trapiko sa dakbayan gumikan kay gihimo ang pagtuon sa maong proyekto 20 katuig na ang nakalabay apan ang kadalanan wala gayud mulapad ug ka-upaton na ang gidaghanon sa mga sakyanan.
Sigon pa, sukad niadtong tuig 2020 kay ka-upaton na ang gibag-on sa mga sakyanan apan ang kadalanan kay gamay lang sa gihapon ang gilapdon.
Giingong wala pa’y BRT kay traffic nang daan ang dakbayan, hayan musamot gayud kini inig patuman sa maong proyekto.
Nasayran nga ang Cebu Bus Rapid Transit (CBRT) kay usa ka proyekto sa national government nga gigahinan ug P6-billion nga pondo.
