Naka-heightened alert ang Philippine Army sa Negros Oriental subay sa kamatayon ni Governor Roel Degamo.
Gipahibalo ni Lieutenant Colonel Israel Galorio, ang tigpamaba sa Visayas Command, nga human nga nahitabo ang insidente sa pagpamanhig kay dali nila nga gipahigayon ang mga checkpoint ug chokepoints alang sa pagka-sikop sa mga mamumuno.
Matud pa, igo lang sila karun nga naghatag ug suporta sa ilahang counterpart sa Philippine National Police (PNP) alang sa pagsuta sa ‘lead’ sa nahitabong maduguon nga krimen.
Gidugang pa niini nga on-going ang ilahang pakig-alayon nila sa kapulisan alang sa imbestigasyon, ingon man nga gituohan ni Galorio nga ang mga klasi sa armas nga gigamit sa mga mamumuno kay dili gamit sa mga New People’s Army (NPA).
Samtang, gitino usab ni Galorio nga ang duha sa tulo ka mga nasikop nga mamumuno sa pagpatay kang Governor Degamo kay mga kanhi sundalo kinsang na-dismissed sa serbisyo gumikan kay wala gayud makapasar sa ‘standard of discipline’ sa kasundalohan.
Gani, gipasabot niini nga posibling gidala sa maong mga dishonorably discharged nga mga sundalo ang ilahang gamit hinungdan nga nasul-ob pa nila ang ilahang mga uniform.
