PROVINCE OF CEBU-Gi-andam na sa Cebu Provincial Government ang kasong administratiba ug kriminal batok sa Bureau of Animal.
Gituohan sa legal team sa Kapitolyo nga nakalapas ang BAI sa Republic Act 3019 ang Anti-graft and Corrupt Practices Act, basi na usab sa aksyon nga gihimo batok sa African Swine Fever.
Gibutyag ni Cebu Provincial Governor Gwendolyn Garcia nga angayan lang patubagon ang BAI sa ilahang aksyon gumikan kay nakamugna kini ug economic dislocation sa probinsiya.
Matud pa, nakamugna kini ug tumang kalisod sa mga magba-baboy sa probinsiya sa Sugbo.
Gituohan sa gobernadora nga gigamit lang sa Bureau of Animal Industry ang naasoy nga sakit sa baboy isip rason arun nga aprobahan ang pagsulod sa mas daghang mga imported nga baboy nga makadaut sa local hog industry.
Gitawag pa kini sa gobernadora nga “economic sabotage” ug giingong dili niini tugotan sa probinsiya sa Sugbo.
