CEBU CITY-Gibutyag ni Cebu City Vice Mayor Raymond Garcia, nga normal lang nga mo-proposed ug dako nga budget ang local chief executive atul sa mga kalihukan sa Dakbayan sa Sugbu sama sa Philippine Independence Day.
Kini gumikan kay dako ang gi-proposed nga mga kalihukan hinungdan usab nga naginahanglan ug dako nga budget.
Matud pa sa bise Mayor, nga iyaha kining nasabtan gumikan kay kaniadtu niagi usab siya isip Chairman sa Committee on Budget and Finance, normal ra nga ang usa ka Mayor mo-proposed ug dako nga budget gumikan sa halapad nga mga kalihukan.
Apan giklaru niini, nga kasagaran ang gi-proposed nga mga kalihokan dili ang tanan niini ang mapatuman, sama nalang sa Barangayan nga adunay 20 moapil apan sa actual nga mo-perform anaa lang sa lima ang mosulmot.
Hinungdan nga dili magastu ang tanang kinatibuk-ang bdget nga i-proposed sa Mayor sa maong kalihukan.
Subay niini, niisa usab ang kilay sa pipila ka mga tax payers, kini gumikan kay mogasto ang Dakbayan og di mo minos sa P1.2milyones pesos nga budget sa kaon nga adtu ipahigayun sa Nustar hotel, nga matud sa pipila ka mga Sugbuonan dako ra kaayu kini ug dili makatarunganon.
