PROVINCE OF CEBU-Gironda sa kapulisan ang Kapitan sa barangay Baclayan, lungsod sa Boljoon probinsya sa Sugbo,pinasikad sa Search Warrant nga giluwatan sa korte.
Nakuha sulod sa balay niini ang Armas ug usa ka granada, nga gihimo alas 6:20 karung buntag Martes, Hunyo 20, 2023 sa pagpangulo sa hepe niini nga si Police Captain Amory Piedra Napoles.
Giila ang suspetsado nga si Elderson Han Baldezamo Mabalatan kinsa kasamtangan nga kapitan sa Barangay Baclayan.
Nasayran nga si Executive Judge Francis Rainer Navarrete sa RTC sa Argao ang mi perma sa Search Warrant batok sa maong kapitan diin mi resulta sa pagka sakmit sa 1 granada, 1 ka Colt Automatic Caliber .45 ug 1 ka .45 Caliber pistol Norinco lakip na ang upat ka magazine sa kalibre 45 ug 25 ka bala.
Ang pagserve sa search warrant gi saksihan sa mga barangay elected officials sa maong lugar.
