PROVINCE OF CEBU-Gitigbas patay ang inahan ug ang anak niining lalake sa Sitio Batarya, Barangay Banban lungsod sa Asturias alas 4 sa Biyernes sa hapon Hulyo 14, 2023.
Giila ang mga biktima nga sila si Artemio Gemongala, 31-anyos ug ang inahan niini nga si Landrea , 67- anyos nga pulos nag puyo sa maong lugar.
Nasikop sa gihimong manhunt operation sa kapulisan ang suspetsado nga giilang si Jeferson Hortelano, 30-anyos nga molupyo ra usab sa maong dapit.
Nakaangkon og daghang samad tinigbasan sa lawas ang mga biktima gikan sa sundang nga gigamit sa suspetsado nga maoy hinungdan sa ilang hinanali nga kamatayon.
Sa inisyal nga imbestigasyon sa Asturias police station nasuta nga ang suspetsado adunay mental health problem nga nanginahanglan na og medical intervention tungod sa pagkagumon niini sa illegal nga drugas gani kanhi drug surrenderer kini matod sa mga nagpuyo sa lugar.
Kasong Double Homicide ang ipasaka sa kapulisan sa lungsod sa Asturias batok sa suspetsado.
