CEBU CITY-Andam ang Police Regional Office sa Central Visayas (PRO 7) sa bisan unsang dili maayong insidente sa dihang si Presidente Ferdinand Marcos Jr.
Kini ang gitino ni Brigadier General Anthony Aberin, PRO 7, nga dili niya pasagdan ang bisan unsa nga insidente ang mahitabo bisan paman nga sa Metro Manila ipahigayon ang maong kalihukan.
Matod niini, nga ilang hingusgan ang ilang monitoring ug hugot nga pagpatuman sa seguridad sa Central Visayas aron malikayan ang kapintasan nga makadaut sa okasyon.
Bisan pamang ug wala sila makadawat ug bisan unsang mga hulga, ipakatap gihapon ang mga sakop sa Civil Disturbance Management (CDM).
Nipasalig ang opisyal sa publiko nga ang CDM gimandoan sa pag-practice sa maximum tolerance ug pagtahod sa mga katungod sa cause-oriented groups.
Matod niya tugotan nila ang mga rally sa protesta basta malinawon kini ug dili makahasol sa publiko.
Gihulagway hinuon sa kapolisan nga taliwa sa gatosan nga misalmot, hapsay ra ang gihimong protesta sa kadalanan sa dakbayan.
