PROVINCE OF CEBU-Gi-ablihan na alang sa publiko ang children’s playground sa lungsod sa Tudela diin ang tumong makuhaan ang pagtutok sa mga bag-ong tubo nga mga batan-on sa paggamit sa teknolohiya.
Gipanguluhan ni Cebu Governor, Gwendolyn Garcia ug ang Mayor sa dapit nga si Greman “Jojo” Solante, inubanan sa mga opisyales sa distrito alang sa pormal nga pag-abli sa naasoy nga playground.
Nasayran nga adunay gidak-on nga 205 sqaure meters nga gilangkoban sa nagkandaiyang ekipo sama sa swing, seesaw, slides ug uban pa.
Pinaagi sa mga ‘financial grants’ sa kagamhanan sa probinsya sa Sugbo ngadto sa mga LGU atol sa mga niaging okasyon hinungdan nga nakab-ot nila P3 milyones alang sa gipatukod nga imprastraktura.
Samtang, gidayeg ni Garcia ang maong kalihokan tungod natuman ang iyahang hangyo sa mga opisyales nga magkahiusa ug gamiton ang kwarta alang sa kaayuhan sa katawhan.
