21-anyos nga lalaki kritikal human naunay sa gi-russian roulette ang pusil niini

CEBU CITY-Samdan ang 21 anyos nga lalaki, giila nga si Troy Montero, human mibuto ang pusil nga gi-russian roulette niini, kagahapong adlawa, Miyerkules sa buntag, Agosto 30, 2023.

Nahitabo ang aksidente sa Sitio Lupa, Barangay Basak San Nicolas sa dakbayan sa Sugbo.

Gidali pagdala ang biktima sa tambalan human maigo sa iyahang ulo.

Basi sa pamahayag sa pamilya sa biktima, nagduwa-duwa kini sa iyahang armas ug gibutangan kini og usa ka bala ug dayong gipatuyok.

Dugang pa nga human gipatuyok ang cylinder sa armas iyaha kini gition sa iyahang ulo ug dayong kablit, apan mibuto kini.

Human sa maong insidente gidali og dala ang naasoy sa duol nga tambalanan ug sa giingon nga naa sa kritikal nga kahiMtang.