CENTRAL VISAYAS-Nagmalampuson ang gipahigayon nga ‘anti-illegal drug training’ o barangay drug clearing program trainers’ training sa Capitol Social Hall diin nahitabo niadtung Setyembre 18 ug Setyembre 19.
Ang maong panagtapok, gisalmutan sa mga nagkandaiyang representante sa matag LGU sa Probinsya sa Sugbo ug ingon man ang mga focal persons sa mga Anti-drug abuse Council.
Gipanguluhan sa Philippine Drug Enforcement Agency ang kalihokan diin ang tumong mahatagan og gahom ang gipatuman nga Barangay Drug Clearing Program o kon BDCP arun sa pagkab-ot sa drug cleared sa matag sakop sa mga LGU sa ilahang tagsa-tagsa nga komunidad.
Subay niini, mipaambit si Atty. Ian Kenneth Lucero, ang Provincial Director sa DILG Cebu Province ang gibug-aton sa matag LGU arun sa kalampusan sa naasoy nga programa.
Matud pa ni Lucero nga dili mahimo sa National Government ug sa Law Enforcement Agencies kon sila ra hinungdan nga gi-awhag niini ang pagkooperar lakip na ang pagsuporta gikan sa mga LGUs.
Gidugang sab niini ang bahin sa ‘shared responsibility’ kabahin sa pakigbisog sa pagwagtang sa ilegal nga drogas ug ingon man nga ang tanan maglakip sa maong kalihokan tungod gihimug-atan sa attorney nga walay ‘excemted’ ang gipahigayon nila nga programa.
