CEBU CITY – Nasikop ang usa ka utility worker sa gipahigayong buy bust operation sa usa ka mall sa Brgy. Pusok, dakbayan sa Lapu-Lapu, pasado alas 6 sa gabii sa Sabado, Nobyembre 25, 2023.
Giila ang nasikop nga si Ronald Legaspi, 30-anyos, lumulupyo sa Labogon, dakbayan sa dakbayan sa Mandaue, nga gituohang usa ka High Value Target sa Philippine Drug Enforcement Agency 7 (PDEA-7).
Nasakmit sa mga sakop sa PDEA-7 sa pakigtambayayong sa Naval Forces Central ug Lapu-Lapu City Police Office ang duha ka dagkong putos sa iligal nga drugas nga nagkantidad og gibana-banang P340,000.
Lakip sa mga nasakmit ang buy bust money ug smartphone niini.
Gikatahong maka-transact ang suspetsado og 50 gramos sa iligal nga drugas matag semana.
Mao kini ang gibutyag ni Leia Alcantara, ang information officer sa PDEA 7.
Subay sa maong balita, mag-atubang og kasong kalapasan sa Section 5 Article II RA 9165 ang suspetsado.
