Bigtime pusher nakuhaan og dul-an P2 milyon sa iligal nga drugas sa lungsod sa Argao, sikop sa kapulisan

ARGAO, CEBU-Nakuhaan og dul-an sa P2 milyon ang usa ka bigtime pusher sa ilegal nga drugas atol sa buy-bust operation sa Brgy. Bug-ot, bukirang bahin sa lungsod sa Argao.

Ang nahimong operasyon gipangulohan ni Police Major Ivy Bartolome, ang hepe sa Argao Police.

Giila sa kapulisan ang nadakpan nga si Jurrel Jangalay, 33-anyos, minyo ug gitumbok isip usa ka High Value Individual nga taga Brgy. Bogo, Argao kinsang nakuhaan og 260 gramos nga shabu diin mobalor og P1,768,000.

Ingon man nga daling naka-eskapo ang kauban niini nga si Alan Alcayde, nga taga Brgy. Bug-ot apan, sigurohon sa buhatan sa mga otoridad nga masikop kini sa dali nga panahon.