CEBU CITY-Nagtingkagol sa Carbon Police Station ang usa ka 28-anyos nga lalaki human nakuhaan og gituohang shabu nga nagkantidad og 6,800 pesos atol sa gipahigayon nga buy-bust Operation sa mga sakup sa Kapulisan sa Carbon sa Brgy. Ermita ning dakbayan sa Sugbo.
Giila ang dinakpan nga si Rotchel Inoc Labrador 28-anyos ulitawo, nagpuyo sa naasoy nga dapit.
Giangkon ni Labrador nga tungod wala kini grado ug wala nakahuman og skwela, naglisod kini og sulod og trabaho hinungdan nga nakahukom ang maong indibidwal nga mosulod sa matang pagpamaligya.
Dugang pa niini, og kon gani adunay gustong paliton dili kini makapalit hinungdan nga gisudlan ang maong butang.
Hinuon, nagmahay si Labrador ug misaad sa iyang kaugalingon nga kung makagawas na kini sa prisohan, mangarga nalang kini sa Carbon bisan paman gamay ang suholan.
