CEBU CITY-Gimandoan ni Cebu City Mayor Michael Rama ang treasurer ug assessor sa dakbayan sa pagpangandam sa pagdepensa uban sa general revision sa fair market values ubos sa real property tax code.
Diin gipaambit sa Mayor samtang anaa kini sa Taiwan, gisusi niini ang 400 ka panid sa draft ordinance nga gisumiter ni Konsehal Noel Wenceslao, isip chair sa committee of budget and finance ngadto sa City Council alang sa deliberasyon.
Dugang pa niini, nga sa iyang pagtuon sa maong ordinansa, aduna kini mga gi-note diin iyang namatikdan ang pipila ka mga punto aron sa pagtino kon ang City treasurer ug assessor nakahimo sa ilang angay nga pagbasa sa mga detalye ug pagsabot sa mga implikasyon sa code sa dihang gi-update kini.
Gani, nanawagan kini og bilateral discussion taku sa mga magbabalaod sa iyang pagbalik pagkahuman sa Semana Santa aron masiguro ang usa ka tin-aw nga pagsabot sa iyang katuyoan sa RPT, sa patas nga mga kantidad sa merkado.
Ingon man nga mipasalig kini sa mga Sugboanon nga dili kini angayan nga kahadlokan gumikan ibutang lang niini ang tinuod nga kantidad ug dili kini ipahamtang diha-diha dayon.
