CEBU CITY-Gipaambit sa kapulisan sa Cebu City Police Office nga naka-‘heightened alert’ na ang mga sakop subay sa mando sa kadagkoan sa Philippine National Police, aron masiguro nga luwas ug hapsay nga pagpahigayon sa Semana Santa 2024.
Kini ang gipahibalo ni Police Col. Ireneo Dalogdog, ang hepe sa kapulisan sa Sugbo, hinungdan nga nangandam na sila alang sa ‘security preparations’ tungod gilauman nga daghang mga biyahero ang mga hub sa transportasyon alang sa pag-obserbar sa Semana Santa.
Dugang pa sa opisyal, nga nagpagpatuman na sila sa ilang security plan, pagdumala sa traffic situations, ug paghatag og public safety services atol sa naasoy nga obserbasyon.
Asoy sa opisyal nga magpakatap usab sila og mga safety marshals nga ibutang sa mga nag-unang dalan, sama sa mga terminal, pantalan, tugpahanan, malls, simbahan, ug uban pang mga dapit sa convergence.
Ingon man ang mga police information desk sa maong mga dapit.
Subay niini, una nang gipahibalo sa Police Regional Office Central Visayas, nga mokabat sa 5,272 ka police personnel ang ipakatap aron pagsusi ug pagmonitor sa sitwasyon sa seguridad atol sa pag-obserbar sa Semana Santa.
Diin sa kinatibuk-ang ihap, 4,042 niini ang Philippine National Police personnel, samtang anaa sa 863 force multipliers, ug 367 gikan sa ubang law enforcement agencies.
