LAPU LAPU CITY, CEBU-Nasayran nga 90 porsiyento nga kompirmadong motambong sa Kadaugan Festival si Presidente Ferdinand Marcos Jr., aron makighiusa sa pagsaulog sa nasangpit nga kalihokan ug kung walay kausaban sa schedule sa Presidente.
Sa pakighinabi sa Bombo Radyo Cebu Newsteam kang Police Lt. Col. Christian Torres, ang tigpamaba sa Lapu-Lapu City Police Office diin anaa sa ‘full alert status’ ang mga sakop sa kapulisan aron masiguro ang hapsay ug luwas nga pagbisita, ingon man ang kalihukan nga tambongan ni Marcos Jr.
Nasayran usab nga tulo ka lugar sa dakbayan sa Lapu-Lapu ang bisitahon sa presidente.
Dugang pa ni Torres nga tungod sa presensiya sa presidente, adunay augmentation gikan sa Regional Police Office ug Armed Forces of the Philippines.
Hinuon, malaumon nga magmalampuson ug malinawon ang nasangpit nga kalihokan ilabina nga limitado ang mga makasulod sa Liberty Shrine tungod kang Marcos Jr.
