Nanawagan ang United Nations Children’s Fund (UNICEF) sa Israel nga hunongon ang pag-atake sa Lebanon.
Kini subay sa pagkamatay sa daghang mga sibilyan sa usa ka Israeli air raid sa habagatang Lebanon.
Nasuta nga sukad sa Oktubre 8, ang mga pwersa sa Israel ug Hezbollah nga nabutang sa habagatang Lebanon nagbinayloay og mga bala.
Daghan na ang nangamatay sa nasangpit nga panagbangi ug nawad-an usab og panimalay ang mga residente.
Una nga giangkon sa Israel ang giingon nga pag-atake sa mga edipisyo sa militar ug mga imprastraktura sa terorista sa Hezbollah sa pipila ka mga lugar sa habagatang Lebanon.
Nagpagawas sila og mga hulagway ug video sa ilang mga fighter jet nga miatake sa Lebanon.
Gisirad-an usab sa Israel ang pagtabok sa Kerem Shalom sa Gaza human ang Hamas nagpabuto og mga rocket sa maong lugar.
Kung diin ang insidente miresulta sa pagkaangol sa 10 ka mga tawo.
Ang nasangpit nga crossing usa sa mga rota sa humanitarian aid sama sa pagkaon ug medical supplies./
