Missing samtang naligo sa kadagatan sa Moalboal, padayon pang gipangita sa mga awtoridad

PROVINCE OF CEBU-Padayon pa nga gipangita karon sa mga sakop sa Philippine Coast Guard-Moalboal ang usa ka 58-anyos nga lalaki kinsa gituohang na-missing samtang naligo sa Basdaku Beach sa lungsod sa Moalboal niadtong Sabado, Mayo 11, 2024.

Nailhan ang na-missing nga si Alejandro Serad Canene, 58 anyos ug residente sa Barangay Guadalupe sa dakbayan sa Sugbo.

Unang gi-report sa mga kabanay sa biktima ang nahitabo pasado alas 12 kaniadtong Sabado, Mayo 11, apan hangtod karong alas 2 sa hapon sa Lunes, Mayo 13, padayon pa gihapon kini nga gipangita.

Gikataho nga posibleng nalumos ang biktima matod pa sa mga awtoridad.

Kasamtangang nagpadayon ang search-and-rescue operation sa maong lugar.