Usa ka binuhing baboy ug usa ka punoan sa lubi, naigo sa kilat sa lungsod sa Argao

Usa ka binuhing baboy nga anaa sa lima ka buwan ang pangidaron nga gipanag-iya sa usa ka konsehal sa barangay ug punoan sa lubi ang naigo sa kilat pasado mga alas 2 sa kaadlawon karong adlaw sa Miyerkules, Hunyo 5, 2024.

Nahitabo kini sa Sitio Kabadiangan, Barangay Jomgao, ning lungsod sa Argao, habagatang bahin sa Sugbo.

Ang kilat nahitabo atol sa kusog nga pagbunok sa ulan.

Bisag buhi pa ang maong baboy apan dili na kini makabarog.

Gikatahong gipanag-iya ang baboy ni barangay kagawad Johnrey Geldore.

Matod sa tig-atiman sa baboy, nagplano na sila nga ihawon ang baboy ug ibaligya ang karne niini.