LILOAN, CEBU-Anaa na karon sa kustodiya sa Liloan PNP ang 9 ka mga batan-on nga nalambigit sa kagubot niadtung Dominggo sa kaadlawon, Hunyo 16, 2024 sa Atlantis, Brgy Poblacion.
Kung diin, ang mga batan-on nag edad ug anaa sa 16 ngadto sa 19 anyos.
Kasamtangan pang gipangita ang isa nila ka kauban nga si Alyas “Dro”
Giandam na sa Kapulisan sa Liloan ang mga kaso nga isang-at sa mga dinakpan.
Una niini, adunay laing rambol sa mga batan-on ang nahitabo sa lungsod sa Liloan duol sa Municipal Hall sa Barangay Población, nga nakakuha og kabalaka ug atensyon sa maong komunidad.
Mikatap online ang footage sa insidente nga nagpakita sa usa ka gubot diin makita ang pagnilabayay sa bato, uban sa usa ka batan-ong lalaki nga gikulata ug gisumbag samtang ang lain nadalin-as sa yuta atol sa panaglalis.
Mipahayag si Police Major Eric Gingoyon, ang hepe sa Liloan Police Station nga ang iyang mga kapulisan sa Liloan magpatrolya panahon sa kagabhion hangtod na sa kaadlawon apan sila lang ang gibantayan sa maong mga batan-on.
Kahihumdoman, nahitabo usab ang rambol sa mga batan-on sa Barangay Yati, Liloan niadtong 9, 2024, diin usa ang patay ug tulo angol.(Liloan MPS)
