Dakong hagit ang atubangon ni outgoing Dutch Prime Minister Mark Rutte kini human siya ginganlan isip sunod nga secretary general sa North Atlantic Treaty Organization o kon NATO.
Sa usa ka pahayag nga gipagawas sa alyansa, ang pagtudlo ni Rutte nahitabo pagkahuman sa pagluwat sa Presidente sa Romania nga si Klaus Iohannis.
Ang termino sa kasamtangan nga Secretary General Jens Stoltenberg kay mahuman na sa Oktubre 1 ning tuiga.
Diin si Rutte makapanunod sa usa ka NATO nga nag-atubang sa hagit sa pagpalig-on sa kaugalingong seguridad samtang nagsuporta usab sa depensa sa Ukraine batok sa agresyon sa Russia.
Nasayran nga gitimbang-timbang sa alyansa ang ilang sitwasyon tungod sa pagtaas sa paggasta sa militar samtang naglikay sa tensiyon sa Moscow aron dili mosangpot sa dagkong mga kabalaka sa seguridad.
