METRO MANILA-Nakaani og pagsaway ang sayop nga lokasyon nga gibutang sa poster sa Department of Tourism (DOT) sa sikat nga Banaue Rice Terraces nga gipakita sa Ninoy Aquino International Airport (NAIA) Terminal 4.
Kini human nga nag-viral online ang mga hulagway nga gi-share ni Archaeologist ug professor Stephen Acabado sa iyang social media account diin makita sa poster nga nagpasiugda sa rice terraces apan ang lokasyon mao ang Benguet imbes sa Banaue, Ifugao.
Nunot sa nahitabo, gitangtang dayon ang poster ning semanaha apan, wala kini nakaikyas sa mga mata sa mga netizens nga nakakita sa maong post.
Ug gisundan dayon kini og komedya ni Acabado nga nagkanayon sa iyang post nga gibalik na sa Ifugao ang Banaue Rice Terraces.
Sa pagkakaron, wala pa’y pamahayag ang DOT kalabot sa sayop sa ilang poster.
