CENTRAL VISAYAS-Gipahibalo sa Department of Environment and Natural Resources (DENR) Region 7 nga ang pagkalunod sa mga gagmayng isla sa Bohol tungod sa epekto sa climate change.
Kini nga isyu gituki ni DENR-7’s OIC Regional Executive Director, Charlie E. Fabre, diin sukad sa 7.2 magnitude nga linog nga niigo sa Bohol niadtong 2013, naobserbahan sa mga eksperto ang progresibong pagkalunod sa mga isla, sama sa Batasan Island sa Tubigon.
Gipasiugda ni Fabre ang panginahanglan alang sa pagdesisyon nga nakabase sa siyensya aron matubag ang makadaot nga mga epekto sa pagbag-o sa klima, polusyon, ug pagkawala sa puy-anan.
Dugang niini nga ilang susihon ang mga epekto sa pagbag-o sa klima sa mga ‘submerged areas’ sa Bohol ug kon gani dili masulbad, kini ang mahimong labing dako nga problema sa Rehiyon 7.
Gihimug-atan usab niini nga ang maong isyu dili lamang makaapektar sa kalikopan tungod kay adunay daghang mga sangputanan nga maigo sama sa ekonomiya ug kahimsog sa publiko.
Hinungdan nga nanawagan si Fabre sa tanang Local Government Units nga suportahan ang Project Transform, nga nagpasiugda sa ilang mahinungdanong tahas sa pagpangulo ug pagpatuman sa mga inisyatibo sa DENR.
Diin ang tumong sa Project Transform sa pag-apil sa mga lokal nga gobyerno sa pagdumala sa kalikupan ug natural nga kahinguhaan (ENR), kay pagpausbaw sa ilang kapasidad alang sa kalig-on sa klima ug kalamidad, ug socio-economic development.
