UNITED STATES-Nakagawas na ang kanhi White House adviser ni kanhi Presidente Donald Trump nga si Peter Navarro gikan sa federal prison sa Miami.
Human nakompleto na niya ang iyang upat ka buwan nga sentensiya tungod sa pagbaliwala sa imbestigasyon sa komite sa kongreso sa kasamok sa Kapitolyo sa US niadtong Enero 6.
Gilauman nga moadto dayon kini sa Milwaukee aron motambong sa Republican National Convention diin pormal nga ma-nominate si Trump.
Nasayran nga si Navarro usa sa duha ka miyembro sa gabinete ni Trump nga napriso tungod sa pagbaliwala sa usa ka subpoena sa kanhing House Select Committee nga nag-imbestiga kaniadtong Enero 6, 2021 sa insurrection.
Diin ang una mao si Steve Bannon kinsa nagsilbi sa iyang upat ka bulan nga sentensiya sa federal prison sa Connecticut.
