-- ADVERTISEMENT --
YEMEN-Patay ang unom ka mga tawo ug daghan pa ang nasamdan human sa gipalupad nga mga airstrike sa Israel sa pantalan sa Yemen.
Matod sa Israel Defense Forces (IDF) nga gipuntirya sa ilang mga fighter jet ang balwarte sa mga teroristang Houthi sa Hodeidah Port.
Kini ang unang higayon nga ang Israel mihimo og mga airstrike sa Yemen.
Nasayran nga ang giingon nga airstrike agi’g tubag sa pag-atake sa drone sa Houthi sa Israel kaniadtong milabay nga mga adlaw nga nakapatay sa usa ka 50-anyos nga lalaki ug nakaangol sa daghan usab nga mga indibidwal.
