NORTH PACIFIC-Nagpatrolya ang Russian ug Chinese nuclear-capable strategic bombers duol sa US state of Alaska sa North Pacific ug Arctic niadtong Huwebes,ang duha ka nasud miingon, usa kini ka lakang nga nag-aghat sa Estados Unidos ug Canada sa pag-scramble sa mga fighter jets.
Gibutyag sa Russian defense nga miapil ang Russian Tu-95MS “Bear” strategic bombers ug Chinese Xi’an H-6 strategic bombers sa mga patrolya sa Chukchi ug Bering seas ingun man sa North Pacific.
Sa lima ka oras nga paglupad, ang mga Russian ug Chinese nga mga bomber gi-eskortan sa mga Russian Sukhoi Su-30SM ug Su-35S nga mga manggugubat. Bisan paman niini wala kini nakalapas sa foreign airspace.
Samtang ang North American Aerospace Defense Command (NORAD) sa militar sa US miingon nga ang mga fighter jets sa US ug Canada naka-intercept sa Russian ug People’s Republic of China (PRC) aircraft sa Alaska Air Defense Identification Zone (ADIZ).
Giklaro usab nga ang hiniusang pagpatrol nagpalalom sa estratehikong pagsalig sa usag usa ug koordinasyon tali sa duha nga mga militar, matud pa sa tigpamaba sa defense minsitry.
